Novitates Vochysiacearum I

Sectio Ciliantha Stafl., subsectio Ferrugineae Warm. A V. vismiifolia Spruce ex Warm. stipulis nullis, foliis longe petiolatis majoribus latioribus, nervis lateralibus pluribus, floribus minoribus calcare inflato instructis differt. Arbor. Ramuli juveniles, petioli, inflorescentia, foliorum pagina inferior indumento ferrugineo-canescente instructi. Stipulae nullae. Folia opposita, petiolo c. 15 mm longo, lamina elliptica, c. 12-16 cm longa, c. 5|-7 cm lata, apice breviter obtuse apiculata, retusa, basi obtusa, nervis supra haud prominentibus, lateralibus subtus prominentibus, majoribus utrinque 15-20 sub angulo c. 50-60' e costa ortis a nervo limbali undulato margini proximo junctis, venulis supra haud conspicuis, subtus prominulis, reticulatis. Inflorescentia cylindrica, densiflora, cincinnis bifloris, pedunculis 2-3 mm longis, pedicellis 5-7 mm longis, alabastris c. 7 mm longis, 1| mm latis, subrecurvis, obtusis, calcare c. 5 mm longo, basi constricto, inflato, sub angulo 60-90' e pedicello orto instructis. Petala suboblonga, apice obtusa; intermedium c. 5 mm longum, extus dense pilosum; lateralia c. 4 mm longa, stamen subpilosum, anthera c. 4 mm longa apice rotundata, filamento c. 2 mm longo. Staminodia c. 1 mm longa ciliata. Stylus glaber, stigmate laterali parvo instructus.